[ Home ] [ News & Links ] [ Support Us ] [ Testimonials ] [ Feedback ] [ Search ]

MGA PROGRAMA SA TUIG 2003 

Tumong:  Mabungahon ug malungtarong pagpanguma

Pasiuna:

1. Experiensia sa panguma ug pagpalambo sa kaumahan
2. Pag-abag ug pagtinabangay sa tanan (local nga pangagamhanan,  ahensia sa gobierno,  mga lumulupyo, pribado nga ahensiya sama sa LEF)
3. Maayo nga pamaagi dinhi sa ato-a ug sa uban nga lugar.

Mga Programa:

1. Pananom sa Durante nga mga Tanom (Manga, Pomelo, Gmelina, Narra, Mahogany, uban pa)
2. Pagpamuhi sa Hayopan ( baboy, baka, kabaw, kanding, manok, pato, pabo)
3. Pananom sa mga Lagutmon (talong, batong, saging, kalabasa, upo)

 Mga Pamaagi:

1. Pananom sa Durante nga mga Tanom
1. Mangayo ug applikasyon sa opisina o makig-istorya sa mga sinaligan sa LEF.
2. Pagsusi sa yuta nga tamnan para matino unsa kadaghan  ug unsa nga klase ang itanom.
3. Pag fill-up sa usa ka survey form para gamiton pagsusi unsa ang dagan sa pananom.
4. Pagpirma sa simple nga kasabutan.

     Kondisyon:

1. Sa kada usa ka gatos (100) ka tanom nga gmelina, napulo (10) ang kuha-on sa LEF isip bayad.  Ang napulo ka tanom nga bayad pagapili-on ug markahan sa LEF sa may ika-duha ka tuig gikan sa pagtanom ug paga putlon sa may pito (7) ka tuig gikan pagtanom.
2. Kung narra, mahogany o bagras  ang itanom, mao gihapon ang kondisyon pero gmelina ang pagakuhaon isip bayad sa LEF.
3. Kung prutas ang itanom (grafted o budded), upat (4)  ka gmelina ang kuhaon nga bayad sa kada usa (1) ka prutas nga itanom.  May limite ang makuha nga prutas sa napulo (10) ka punu-an lamang.

2. Pagpamuhi sa Hayopan

1. Mangayo ug applikasyon sa opisina o makig-istorya sa mga sinaligan sa LEF.
2. Pag fill-up sa usa ka survey form para gamiton pagsusi unsa ang dagan sa pamuhi.
3. Pagpirma sa simple nga kasabutan.
4. Pagsunod sa uban pa nga lagda o kasabutan sa pagpamuhi.

Kondisyon:

1. Kung baka o kabaw, babaye ang buhi-on.  Ang bayad tulo (3) ka anak lamang pero ang LEF aduna gihapon biente singko porsiyento (25%) sa orihinal nga mananap.
2. Kung baboy, babaye ang buhi-on, ready to breed, tunga sa anak.  Kung lalake, patambokon, tunga sa halin.  Lain ang kondisyon kung baktin ang buhi-on.
3. Kung kanding ang buhi-on, babaye, ang bayad tulo ka anak lamang, 25% ang LEF sa orihinal nga kanding.
4. Kung manok, tunga sa mga dagko.

3. Pananum sa mga Lagutmon

1. Mangayo ug applikasyon sa opisina o makig-istorya sa mga sinaligan sa LEF.
2. Pag fill-up sa usa ka survey form para gamiton pagsusi unsa ang dagan sa pananom.
3. Pagpirma sa simple nga kasabutan.
4. Pagsunod sa uban pa nga lagda o kasabutan sa pananom.

Kondisyon:

1. Pagbayad sa kantidad sa liso, abono o uban pa nga mga himan nga magasto sa LEF.

Ang Duolan:    Cora Zayas-Sayre, LEF Executive Director o bisita sa amo nga opisina nahimutang sa Sitio Tuburan, Gimaylan, Libertad, Misamis Oriental

[ Home ] [ News & Links ] [ Support Us ] [ Testimonials ] [ Feedback ] [ Search ]